Noyabrın 20-də açıqlanan məxfi sənədlərə görə, Rusiya ilə Ukrayna arasında müharibənin davam etdiyi bir vaxtda Almaniya mümkün müharibə ssenarisinə hazırlaşır.
"Cebheinfo.az" xəbər verir ki, Almaniyanın “Frankfurter Allgemeine Zeitung” qəzetinin yazdığına görə, “Deutschland əməliyyatı” kimi tanınan plan Berlinin Rusiyanın nüvə təhdidlərinə cavab olaraq 800 min NATO əsgərinin, o cümlədən ABŞ qüvvələrinin Ukraynaya yerləşdirilməsinə necə dəstək verə biləcəyini təfərrüatlandırır.
1000 səhifəlik sənəd mümkün hərbi ssenarilər üçün planın təfərrüatlı təlimatlarını təqdim edir, xüsusi qorunma tələb edən kritik infrastrukturu təsvir edir, o cümlədən müdafiə zamanı görüləcək tədbirləri müəyyənləşdirir.
Sənədə əsasən, NATO-nun şərq cinahında gərginliyin artacağı təqdirdə Almaniya qoşunların, hərbi texnikanın, ərzaq təchizatının və tibbi yardımın ötürülməsi üçün mühüm mərkəz rolunu oynayacaq.
Hamburqda keçirilən görüşdə Hamburq Regional Komandanlığının rəhbəri polkovnik-leytenant Jörn Plişke şirkətlərə işçilərə yük maşını sürmək kimi bacarıqlar öyrətməyi tövsiyə edib:
"Almaniyada yük maşını sürücülərinin 70 faizi Şərqi Avropadadır. Müharibə baş verərsə, onlar ölkədə olmaya bilər".
Müəssisələr dizel generatorları vasitəsilə avtonom enerji mənbələrini təmin etmək də daxil olmaqla fövqəladə hallar planları yaratmağa çağırılıb.
Hamburqda ticarət, sənaye və kənd təsərrüfatı nümayəndələri ilə də görüşlər keçirilib. Oxşar təşəbbüslər ölkə daxilində də həyata keçirilib.
Plişke Rusiyanın 4-5 ildən sonra daha da qərbə hücum etmək istəyəcəyini və bunu bacaracağını deyib".
“Hazırda Rusiya ayda 25, Almaniya isə 3 tank istehsal edir” deyərək silahlanma tempi ilə bağlı ölkəsi üçün yaxşı hesab etmədiyi bir mənzərəyə diqqət çəkib.
