“İnter Mayami” yeni baş məşqçisi ilə bağlı qərar verib. ABŞ klubuna yenə argentinalı rəhbərlik edəcək.
Futbolinfo.az xəbər verir ki, istefa verən Xerardo Martinonun əvəzinə Argentina gənclər yığmasının baş məşqçisi Xavyer Maskerano gətirilir. Tərəflər 3 illik müqaviləni razılaşdırıb.
MLS klubu Xavi Ernandeslə də danışıq aparırdı. Lakin sonda Messinin yaxın dostuna üstünlük verilib. Argentinalı ulduz “Barselona”da və yığmada birlikdə oynadığı Maskeranonun gəlişində böyük rol oynayıb. O, bu təyinatla özü də yeni müqaviləyə razılıq verəcək.
