Bir sıra nəhəng klubların hədəfində olan Florian Virts ilə bağlı növbəti iddia ortaya atılıb.
Böyük Britaniya mətbuatının məlumatına görə, “Bayer-04”ün yarımmüdafiəçisi karyerasını “Mançester Siti”də davam etdirmək istəyir. Almaniya klubunun transfer üçün “şəhərlilər”dən 120 milyon avro istəyəcəyi də iddia edilir. Deyilənə görə, 21 yaşlı alman futbolçu MS-də müqaviləsi mövsümün sonunda başa çatacaq Kevin De Bruyneni əvəzləmək istəyir.
Qeyd edək ki, Virtsə görə bir müddət əvvəl “Real” və “Bavariya”da təklif irəli sürüb. Lakin o, bu komandalarda start heyətində oynamaq imkanının az olacağını düşündüyü üçün Mançesterə yollanmağa üstünlük verib. Qeyd edək ki, Florian bu mövsüm klub və Almaniya yığmasının heyətində bütün turnirlərdə 23 matçda meydana çıxıb, 10 qol vurub və 3 məhsuldar ötürmə edib.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
