İsrail Hərbi Hava Qüvvələrinə məxsus təyyarələr İranyönlü şiə Hizbullah təşkilatının xarici təhlükəsizlik xidmətinin rəhbəri Təllal Hamini öldürmək məqsədi ilə Livan paytaxtının mərkəzinə hücum edib. AFN.az xəbər verir ki, bu barədə “Al Hadath” telekanalı məlumat yayıb. Təhlükəsizlik zabitinin hava hücumu zamanı həlak olub-olmadığı barədə hələlik xəbər yoxdur.Telekanalın məlumatına görə, Təllal Hami təxribat “910” xüsusi təyinatlı dəstəsinə rəhbərlik edib və xaricdə agentlər cəlb edib. ABŞ səlahiyyətliləri onun Livandan kənarda terror hücumlarının planlaşdırılması, əlaqələndirilməsi və həyata keçirilməsinə görə məsuliyyət daşıdığını deyirlər. O, ilk növbədə israilliləri və amerikalıları hədəf alıb.2012-ci ildə Hami təhlükəli beynəlxalq terrorçular siyahısına daxil edilib və ABŞ-ın sanksiyalarına məruz qalıb.
