Misli Premyer Liqasının 14-cü turunda “Araz-Naxçıvan” Tovuzda “Kəpəz”i məğlub etdi – 2:0.
Offsideplus.az xəbər verir ki, qarşılaşmadan sonra Naxçıvan Futbol Federasiyasının prezidenti “boz qurdlar”ın qələbəsi ilə bağlı jurnalistlərə açıqlama verdi:
“Qələbə qazandığımız üçün sevinirik. Gözəl oyuna görə "Kəpəz"i təbrik edirəm. Azər Bağırov dönüş edə bilib. Açığı, heç-heçəlik oyun idi. Amma bu, futboldur. Qələbəyə görə komandanı təbrik edirəm. İradımı da futbolçulara bildirdim. Hər oyundan sonra uşaqları bir-bir təbrik edirəm. Oyundan öncə də demişdim ki, meydana boş çıxmaq olmaz. Futbol belə şeyləri sevmir. Azər Bağırov gələndən sonra "Kəpəz" müsbət tərəfə çox dəyişib. Mükafatla bağlı heç nə demədim. Onu klubun prezidenti vəd verəcək. Buna mən qarışmıram. Yaxşı gedirik. Lakin çempionluq haqda düşünmürük. Qarşıda 22 tur var. Bugünkü nəticələr sevindirir”.
