Noyabrın 20-də açıqlanan məxfi sənədlərə görə, Rusiya ilə Ukrayna arasında müharibə davam etdiyi vaxtda, Almaniyanın mümkün müharibə ssenarisinə hazırlaşdığı bildirilir.
Publika.az xəbər verir ki, bu barədə Almaniyanın “Frankfurter Allgemeine Zeitung” qəzeti yazıb.
Məlumata görə, “Deutschland əməliyyatı” kimi tanınan plan Berlinin Rusiyadan gələn nüvə təhdidlərinə cavab olaraq 800 min NATO əsgərinin, o cümlədən ABŞ qüvvələrinin Ukraynaya yerləşdirilməsinə necə dəstək verə biləcəyini ehtiva edir.
Min səhifəlik sənəd mümkün hərbi ssenarilər üçün planın təfərrüatlı təlimatlarını təqdim edir, xüsusi qorunma tələb edən kritik infrastrukturu təsvir edir və müdafiə və ya böhran ssenariləri zamanı görüləcək tədbirləri müəyyənləşdirir.
Almaniya logistik mərkəz kimi xidmət edəcək
Sənədə əsasən, NATO-nun şərq cinahında gərginliyin artacağı təqdirdə Almaniya qoşunların, hərbi texnikanın, ərzaq təchizatının və tibbi yardımın ötürülməsi üçün mühüm mərkəz rolunu oynayacaq.
Hamburqda keçirilən görüşdə Hamburq Regional Komandanlığının rəhbəri polkovnik-leytenant Jörn Plişke şirkətlərə işçilərə yük maşını sürmək kimi böhranla bağlı bacarıqlar öyrətməyi tövsiyə edib.
Hamburqda ticarət, sənaye və kənd təsərrüfatı nümayəndələri ilə də görüşlər keçirilib. Oxşar təşəbbüslər ölkə daxilində də həyata keçirilir.
Plişke Rusiyanın 4-5 ildən sonra daha da qərbə hücum etmək istəyəcəyini və bacaracağını iddia edib: “Hazırda Rusiya ayda 25, Almaniya isə 3 tank istehsal edir. Hazırlıqların sürəti artırılmalıdır”.
Bu və gündəmdəki bir çox xəbərləri bu gün saat 13.30-da aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız hərbi ekspert Elxan Şıxəliyevdir. Müzakirədə tamaşaçılarımız da iştirak edə bilər.
