Qəzza zolağı və Livanın cənubundakı qarşıdurmalara qatılan ən az 6 İsrail əsgəri psixoloji problemlər səbəbindən intihar edib.
Publika.az xəbər verir ki, bu barədə İsrailin “Yedioth Ahronoth” qəzeti məlumat yayıb.
Qeyd olunub ki, intihar edən İsrail əsgərlərinin sayının daha çox olduğu təxmin edilir. Lakin İsrail ordusu bu günə qədər bu məsələ ilə bağlı rəsmi məlumatları paylaşmaqdan imtina edib və ilin sonunda bu məlumatları paylaşacağını bildirib.
İsrail ordusunun yaratdığı ruhi sağlamlıq klinikalarına minlərlə əsgərin, eləcə də sahədə növbətçi psixoloqların müraciət etdiyi bildirilib.
