“Biriləri başqa ölkələri təkcə terror üçün deyil, həm də terror aktları ilə yeni raketlərini sınaqdan keçirmək üçün istifadə edirsə, bu, açıq şəkildə beynəlxalq cinayətdir”.
“AzPolitika” xəbər verir ki, bunu Ukrayna lideri Volodimir Zelenski Rusiyanın atdığı yeni “Oreşnik” raketi ilə bağlı açıqlama verib.
Ukraynanın bu hücumların qarşısını almaq üçün yeni hava hücumundan müdafiə növlərini inkişaf etdirməyə çalışdığını bildirən Zelenski, bu hərbi texnikaların alınması üçün tərəfdaşlarıyla danışıqlar apardığını deyib.
Zelenski bəyanatında Qərb ölkələrinə müraciət edərək vurğulayıb ki, Putinə ciddi cavab verilməlidir ki, o, həqiqətən də müharibəni genişləndirməkdən qorxsun və hərəkətlərinin nəticələrini hiss etsin.
“AzPolitika.info”
