Dünyanın dördüncü ən kiçik ölkəsi olan və "gizli cənnət" kimi tanınan Tuvalu yox olmaq təhlükəsi ilə üz-üzədir.
Milli.Az xəbər verir ki, qlobal istiləşmənin təsirləri günü-gündən artır. Bu vəziyyətdən ən çox təsirlənən yerlərdən biri ada ölkəsi Tuvaludur. Alimlər bu ada ölkəsinin yaxın gələcəkdə tamamilə su altında qalacağını proqnozlaşdırırlar. Bu vəziyyət yerli əhalini narahat edir.
Cəmi 11 min əhalisi olan bu ölkə iqlim dəyişikliyinə görə yox olmaq ərəfəsindədir. Tuvalu ada dövləti öz varlığını rəqəmsal mühitlə qorumağa çalışır.
Tuvalu, həmçinin virtual aləmdə ölkə sərhədlərinin təhlükəsizliyini təmin etmək, eləcə də hökumətin fəaliyyətini davam etdirə bilməsi üçün rəqəmsal pasportlar yaratmaq üçün çalışır. Bu pasportlar vətəndaşlara seçkilərdə və referendumlarda iştirak etmək, doğum, ölüm və nikahları qeydiyyata almaq və bir çox digər rəsmi əməliyyatları rəqəmsal şəkildə həyata keçirmək imkanı verir.
Fidan
Milli.Az
Məqaləyə dair fotomateriallar:
