Xırdalanda piyadalara təhlükə yaradan sürücülərin hərəkətləri anbaan kameraya düşüb. Avtosfer.az xəbər verir ki, hadisə Mehdi Hüseynzadə küçəsində baş verib.
Belə ki, azyaşlı uşağı və arabadakı körpəsi ilə piyada keçidini keçməyə cəhd edən qadın təhlükə ilə üzləşib. 90-HE-079 qeydiyyat nişanlı "Nissan" markalı və 77-FG-500 qeydiyyat nişanlı "Lixiang" markalı avtomobillərin sürücüləri keçiddə piyadaların olmasını görsələr də dayanmadan hərəkətlərinə davam ediblər.
Qeyd edək ki, bu qayda pozuntusuna görə, İnzibati Xətalar Məcəlləsinin 330.0-cı maddəsi ilə 50 manat məbləğində cərimə nəzərdə tutulub.
Sözügedən videonu təqdim edirik.
Könül Rauf
