Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 14-cü turunun növbəti oyunları keçirilib.
Arena.az xəbər verir ki, ikinci oyun gününün sonuncu matçında iki paytaxt təmsilçisi – “Neftçi” və “Zirə” komandaları üz-üzə gəliblər.
Son turlarda məğlub olan Rəşad Sadıqovun komandası səfərdən xal və xallarla qayıtmaq arzusundaydı. “Neftçi”də də işlər qaydasında getmirdi. Komanda üç oyun idi 3 xala həsrət idi. Uğursuzların görüşündə qapılara 3 qol vurulub. Paytaxt derbisinin yekununda sevinən tərəf “Neftçi” olub.
Cari mövsümdə 2-ci qələbəsini qazanan “ağ-qaralar” hazırda 13 xalla 7-ci sırada qərarlaşıblar. “Zirə” isə 20 xalla 4-cü yerdədir.
Premyer Liqa
14-cü tur
22 noyabr
“Neftçi” – “Zirə” 2:1
Qollar: Filip Ozobiç, 29. Emil Səfərov, 68 – İssa Cibrilla, 51.
Hakimlər: Kamal Umudlu, Namiq Hüseynov, Vüsal Məmmədov, Əli Əliyev.
Bakı. “Neftçi Arena”, 19:00.
Neftçi: 93. Rza Cəfərov (k), 10. Filip Ozobiç, 17. Rəhman Hacıyev, 90. Ramil Şeydayev, 13. Emil Səfərov, 6. Rafael Quzzo, 99. Ervin Koffi, 44. Yuri Matias, 23. Robert Bauer, 24. Mustafa Sek, 88. Andrey Ştoqrin.
Ehtiyat oyunçular: 1. Emil Balayev, 30. Rüstəm Samiqullin, 3. Höccət Haqverdi, 7. Azər Əliyev, 91. Ağadadaş Salyanski, 47. Murad Məmmədov, 14. Edvin Kuç, 4. Mark Tamaş, 20. Alfa Konte, 77. Yeqor Boqomolski.
Baş məşqçi: Samir Abasov.
Zirə: 13. Aydın Bayramov, 32. Qismət Alıyev (k), 8. İsmayıl İbrahimli, 14. Elçin Əlicanov, 4. Ruan Renato, 70. İssa Cibrila, 23. Rafael Utziq, 18. Martins Junior, 17. Ayron Qomis, 6. Eldar Quliyev, 19. Salifu Suma.
Ehtiyat oyunçular: 97. Tyaqo Silva, 41. Anar Nəzirov, 21. Hacıağa Hacılı, 16. Fuad Bayramov, 29. Ceyhun Nuriyev, 22. İldar Ələkbərov, 5. Stefan Akka, 90. Davit Volkov, 10. Georgi Papunaşvili, 3. Ange Mutsinzi, 28. Abbas İbrahim, 24. Yusuf Laval.
Baş məşqçi: Rəşad Sadıqov.
