Misli Premyer Liqasının 14-cü turunda "Neftçi" "Zirə"ni məğlub etdi - 2:1.
Offsideplus.az xəbər verir, oyundan sonra mətbuat konfransında qonaqların çalışdırıcısı Rəşad Sadıqov iştirak etdi.
Mütəxəssis məğlubiyyət haqda bunları söylədi:
"Maraqlı oyun alındı. Çempionatımızda belə matçların sayı çox olsa, həm komandamız, həm də oyunçularımız inkişaf edəcək. Hər iki kollektiv sürətli, dinamik oyun oynamağa çalışırdı. Stadion möhtəşəm, ot örtüyü əla idi. Oyunda 10 dəqiqə üstünlüyü rəqibə verdik. Həmin aralıqda qol buraxdıq. Sonradan toparlana bilmədik. İkinci hissə qapıya 1 zərbə vurdu, o da qol oldu. Ümumiyyətlə, çempionatda qapımız istiqamətində gələn topların çoxu qolla nəticələnir. Məğlub olduq, amma komandamdan razı qaldım".
