1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Pilotların tətili ilə əlaqədar olaraq "Finnair" dekabrın 9-u və 13-də təxminən 300-ə yaxın uçuşu ləğv edib.
Oxu.Az TASS-a istinadən xəbər verir ki, bu barədə daşıyıcı press-relizdə məlumat verib.
"Fin Pilotlar İttifaqının danışıqlar aparmaq əvəzinə tətilə qərar verməsi məyusedicidir. Təəssüf ki, bu, Milad öncəsi mövsümdə minlərlə müştərimizin səyahət planlarını pozur", - şirkətdən məlumat verilib.
Bildirilir ki, "Finnair" dekabrın 9-da 140-a yaxın, dekabrın 13-də isə 150-yə yaxın reysi ləğv edəcək.
Tətil sentyabrın 30-da həmkarlar ittifaqı ilə daşıyıcı arasında bağlanmış kollektiv əmək müqaviləsinin müddətinin başa çatması ilə əlaqədardır. Yeni müqavilə üzrə danışıqlar üç aydır ki, heç bir irəliləyiş əldə edilmədən davam edir.
