"Arsenal" İngiltərə yüksək liqasında 2000-ci qələbəsini qazanıb.
İdman.biz xəbər verir ki, London klubu 4336 oyunda bu hədəfə çatıb.
"Topçular"ın İngiltərə Premyer Liqasının 12-ci turunda "Nottingem"lə görüşdə qazandığı nəticə yubiley qələbəsi ilə yadda qalıb. "Arsenal" ilk qalibiyyətini 1904-cü ilin sentyabrında "Vulverhempton"la (2:0) görüşdə əldə edib. Komanda İngiltərədə bu göstəricidə yalnız "Liverpul"dan (2068 qələbə) geri qalır. Üçüncü pillədə "Mançester Yunayed" (1910) qərarlaşıb. "Everton" (1901) və "Aston Villa" (1724) növbəti pillələrdə qərarlaşıb.
Qeyd edək ki, "Arsenal" 2024/2025 mövsümündə 22 xalla 4-cü pillədə qərarlaşıb.
İngiltərədə qələbə sayında Top-10
"Liverpul" - 2068 qələbə
"Arsenal" - 2000
"Mançester Yunayted" - 1910
"Everton" - 1901
"Aston Villa" - 1724
"Mançester Siti" - 1597
"Tottenhem" - 1510
"Çelsi" - 1480
"Nyukasl" - 1415
"Sanderlend" - 1260
İdman.biz
