Almaniyada qaçqın sığınacağı yanaraq külə döndü

Almaniyada qaçqın sığınacağında güclü yanğın zamanı azı 20 nəfər xəsarət alıb.

Bizim.Media xəbər verir ki, bu barədə “Tagesschau” portalı məlumat yayıb.

"Voqelzanqda (Şimali Reyn-Vestfaliya federal əyaləti) mərkəzi qaçqın sığınacağında iri miqyaslı yanğında 20 nəfər xəsarət alıb. Binaya ciddi ziyan dəyib. Yanğının səbəbi məlum deyil", - xəbərdə bildirilir.

Məlumata görə, müəssisədə ümumilikdə 380 nəfər, alovlanan binada isə 18 nəfər yaşayıb.

Xəsarət alanlardan 10-u xəstəxanalara çatdırılıb.

Bina yanğın nəticəsində kül olub. Qeyd edilir ki, iki qonşu bina da yaşayış üçün yararsız hala düşüb.

Bizim.Media