Portuqaliya kubokunda 1/16 finalın oyunları keçirilir.
QOL.az xəbər verir ki, "Benfika" bu tur "Eştrela" ilə qarşılaşıb və 7:0 hesablı qələbə ilə 1/8 finala yüksəlib.
"Benfika"nın futbolçusu Anhel Di Mariya oyunda het-trik edib. 36 yaşlı hücumçu 18 dəqiqəyə rəqib qapısından 3 qol keçirib. Qollardan birini isə Türkiyə millisinin üzvü Kerem Aktürkoğlu vurub. Bununla da o, "Benfika"da bütün turnirlərdə meydana çıxdığı 12-ci matçında vurduğu qol sayını 9-a çatdırıb.
"Benfika" - "Eştrela" - 7:0
Qollar: Di Mariya, 2, 5, 18, Aktürkoğlu, 60, Amduni, 81, Kabral, 86, 90
