Milli Basketbol Assosasiyasında bu gecə 7 oyun baş tutub.
Qərb konfransnın liderlərindən biri “Qolden Steyt Vorriors” “San Antonio Spörs”ün qonağı olub. Keçən ilin autsayderi görüşü qələbə ilə başa vurub – 104:94. Oyunun qəhrəmanı Viktor Vembanyama olub. Fransız basketbolçunun aktivində 25 xal var. Qonaq komandanın ulduzu Karri 14 xal toplayıb.
Konfransın digər liderlərindən biri “Hyuston Rokets” də məğlubiyyətlə üzləşib. Texaslılar evdə “Portlend Treyl Bleyzers”lə bacarmayıblar – 98:104. Hyuston komandasının heyətində ən çox xalı Alperen Şengün yığıb. Onun aktivində 24 xal var.
“Yuta Caz” evdə “Nyu-York Niks”ə 121:106 hesabı ilə qalib gəlib. “Miluoki Baks” isə “Şarlot Hornets”dən üstün olub – 129:116.
