İngiltərə Premyer Liqasının 12-ci turunda səfərdə "Sauthempton"u 3:2 hesabı ilə məğlub edən "Liverpul"un qələbəsinə dublla töhfə verən Məhəmməd Salah oyundan sonra fikirlərini bölüşüb.
Fanat.Az-ın məlumatına görə, "Sky Sports" misirli hücumçunun sözlərini belə çatdırıb:
"Şadam ki, qələbə qazandıq. Ən vacibi budur. Hər oyun unikaldır. Onların öz planları var idi. Hesabda önə də keçmişdilər. Biz isə oyundan qopmayaraq qalib gəlməyi bacardıq.
Öz oyunumuzu oynamağa, öz planlarımızı həyata keçirməyə çalışdıq. Əmin idim ki, qol imkanlarımız olacaq. Yalnız şanslardan faydalanaraq qol vurmaq barədə düşünürdüm".
Qeyd edək ki, cari mövsüm "Liverpul" forması ilə bütün turnirlərdə 18 matça çıxan Salah 12 qol və 10 məhsuldar ötürmə ilə yadda qalıb.
Nihat
