Ukraynanın NATO-ya daxil olması üçün alyans soyuq müharibənin təcrübəsindən istifadə etməli və Qərbi Almaniya ilə eyni şeyi etməlidir. Bu barədə noyabrın 24-də “Times of Malta” qəzetinə müsahibəsində Ukraynanın eks-prezidenti Pyotr Poroşenko bildirib.
"Biz bu təcrübədən öyrənməli və indi təkrarlamalıyıq" deyə siyasətçi vurğulayıb.
O qeyd edib ki, yeganə hərəkət ABŞ-ın seçilmiş prezidenti Donald Trampın Ukraynanı NATO-ya dəvət etməsidir. Onun sözlərinə görə, bu, “münaqişənin sona çatması üçün çox vacib şərtdir” və Rusiyaya güclü siqnaldır.
Ukrayna 30 sentyabr 2022-ci ildə sürətləndirilmiş əsaslarla NATO-ya üzv olmaq üçün ərizə təqdim edib. Daha sonra Ukrayna prezidenti Vladimir Zelenski bildirib ki, əslində ölkə artıq alyansdadır və onun standartlarına cavab verir.
Oxuməni.az
