Siyəzən gənclərinə süni intellekt təlimi keçirilib - Fotolar
Siyəzəndə gənclər üçün təlim baş tutub.
Bu barədə Azərforum-a tanınmış qələm adamı Oqtay Hacımusalı məlumat verib.
Onun sözlərinə görə, "Süni intellektin sirlərini bizimlə öyrən" adlı təlim Siyəzən Gənclər Evində, yazıçı-jurnalist Oktay Hacımusalının dəstəyi ilə baş tutub.
Tədbirdə təlimçi Oktay Hacımusalı gənclərə süni intellekt və onun istifadə edildiyi yerlər haqqında geniş məlumat verib. Yeni nəsil texnologiyaların artıq günümüzdə həyatımıza daxil olduğunu bildirən təlimçi qeyd edib ki, bundan sonra süni intellektlə sıx-sıx rastlaşacağıq.
Təlimdə iştirak edən gənclərin suallarını cavablandıran Oktay Hacımusalı daha sonra iştirakçılarla bərabər xatirə şəkli çəkdirib.
