“Diasporla müsahibə” verilişinin növbəti qonağı Amerikada yaşayan azərbaycanlı, təhsilin idarə olunması üzrə mütəxəssis Qoşqar Məhərrəmov olub.
Q.Məhərrəmov müsahibədə Amerikadakı diaspor fəaliyyətindən, ABŞ və Azərbaycanın təhsil sistemində fərqlərdən, soydaşlarımızla münasibətindən bəhs edib.
Q.Məhərrəmov hesab edir ki, Azərbaycanın təhsil sistemində çatışmazlıqlar var:
“Necə ki, mən gəlmişəm təcrübəmi artırıb, bilik və bacarıqlarımı ölkəmizdə tətbiq edirəm, eləcə də xaricdə yaşayan soydaşlarımız bunu reallaşdıra bilərlər. Təcrübələrini bölüşüb distant formada yenilikləri ölkəmizdə tətbiq etsələr, bu bizim təhsil sisteminə yüksək təsir edəcək. Amerikada valideynlər şagirdlərlə çox yaxından maraqlanmır, onların ali təhsil almasına çox önəm vermir. Bizim ölkəmizdə isə məlum məsələ, hər kəs istəyir ki, övladı ən yaxşı yerdə təhsil alsın”.
Təhsil eksperti əyani və distant təhsil arasında fərqlərə də aydınlıq gətirib:
“Savadlı kadrlar, öyrənmək və başa düşmək qabiliyyəti daha yüksək olanlar üçün heç bir fərqi yoxdur. Distant təhsildə də o, nələrisə öyrənə biləcək. Lakin təcrübəyə daha çox önəm verən şagirdlər üçün əyani təhsilin effekti daha yüksək olacaq. Hər bir halda da distant təhsil ənənəvi təhsili əvəz edə bilməz, ona dəstək ola bilər”.
Q.Məhərrəmov bildirib ki, diaspor fəaliyyətində media dəstəyi alır:
“Diaspora.TV ilə əməkdaşlıq etdiyimiz üçün çox şadıq. Yaşadığım əyalətdə soydaşlarımızla əlaqədar nə yeniliklər olsa, görüntülü, səsli informasiyalar ötürürük. Media dəstəyinin olması diaspor fəaliyyətimzin işıqlandırılması üçün çox vacibdir. Mənim olduğum şəhərdə dərnək yoxdur. Çünki azərbaycanlıların da sayı çox azdır. Ancaq Hyustonda var və onlarla birgə tədbirlərdə yaxından iştirak edirik, soydaşlarımız bir araya gəlir. Eləcə də Hyustondakı dərnəklə və konsulluqla lazım olanda əlaqə saxlayıb, müəyyən eksponatların alınması, tədbirlərdə sərgilənməsi kimi hallarda dəstək alırıq”.
Xəbər 4 dəfə oxunub.
Q.Məhərrəmov müsahibədə Amerikadakı diaspor fəaliyyətindən, ABŞ və Azərbaycanın təhsil sistemində fərqlərdən, soydaşlarımızla münasibətindən bəhs edib.
Q.Məhərrəmov hesab edir ki, Azərbaycanın təhsil sistemində çatışmazlıqlar var:
“Necə ki, mən gəlmişəm təcrübəmi artırıb, bilik və bacarıqlarımı ölkəmizdə tətbiq edirəm, eləcə də xaricdə yaşayan soydaşlarımız bunu reallaşdıra bilərlər. Təcrübələrini bölüşüb distant formada yenilikləri ölkəmizdə tətbiq etsələr, bu bizim təhsil sisteminə yüksək təsir edəcək. Amerikada valideynlər şagirdlərlə çox yaxından maraqlanmır, onların ali təhsil almasına çox önəm vermir. Bizim ölkəmizdə isə məlum məsələ, hər kəs istəyir ki, övladı ən yaxşı yerdə təhsil alsın”.
Təhsil eksperti əyani və distant təhsil arasında fərqlərə də aydınlıq gətirib:
“Savadlı kadrlar, öyrənmək və başa düşmək qabiliyyəti daha yüksək olanlar üçün heç bir fərqi yoxdur. Distant təhsildə də o, nələrisə öyrənə biləcək. Lakin təcrübəyə daha çox önəm verən şagirdlər üçün əyani təhsilin effekti daha yüksək olacaq. Hər bir halda da distant təhsil ənənəvi təhsili əvəz edə bilməz, ona dəstək ola bilər”.
Q.Məhərrəmov bildirib ki, diaspor fəaliyyətində media dəstəyi alır:
“Diaspora.TV ilə əməkdaşlıq etdiyimiz üçün çox şadıq. Yaşadığım əyalətdə soydaşlarımızla əlaqədar nə yeniliklər olsa, görüntülü, səsli informasiyalar ötürürük. Media dəstəyinin olması diaspor fəaliyyətimzin işıqlandırılması üçün çox vacibdir. Mənim olduğum şəhərdə dərnək yoxdur. Çünki azərbaycanlıların da sayı çox azdır. Ancaq Hyustonda var və onlarla birgə tədbirlərdə yaxından iştirak edirik, soydaşlarımız bir araya gəlir. Eləcə də Hyustondakı dərnəklə və konsulluqla lazım olanda əlaqə saxlayıb, müəyyən eksponatların alınması, tədbirlərdə sərgilənməsi kimi hallarda dəstək alırıq”.
Xəbər 4 dəfə oxunub.
