İsrail hökuməti gündəlik “Haaretz” qəzetini dövlətə “zərər verən” məqalələrə görə sanksiyaya keçirməyə hazırlaşır.
NOCOMMENT.az xəbər verir ki,dövlət maliyyə qurumlarına qəzetlə əlaqə saxlamağı və ya reklam yerləşdirməyi qadağan etmək təklifi bəyənilib.
Rabitə naziri Şlomo Karhi verdiyi açıqlamada Haaretz-ə qarşı təklifinin digər nazirlər tərəfindən yekdilliklə qəbul edildiyini bildirib.
“İsrail dövlətində rəsmi bir qəzetin naşirinin ona qarşı sanksiyalar tətbiq etməyə çağıracağı və müharibənin ortasında dövlətin düşmənlərini dəstəkləyəcəyi və bundan maliyyələşəcəyi reallığa imkan verməyəcəyik. ” deyə bəyanatda bildirilir.
