Suriyanın şimalında bölücü terror təşkilatı PKK/YPG ilə Suriya Milli Ordusu (SMO) arasında baş verən qarşıdurmada 11 SMO üzvü ölüb, 8-i yaralanıb.
Suriyanın şimalında Hələb əyalətinin Mənbic rayonunda işğalını davam etdirən PKK/YPG terrorçuları gecə saatlarında Bab rayonunda SMO cəbhə xəttinə sızmağa cəhd ediblər.
Rayonun şərqindəki Acemi bölgəsində SMO cəbhə xəttində baş verən qarşıdurmada 11 SMO üzvü ölüb, 8-i yaralanıb.
Sızma cəhdi dəf edilərkən, qarşıdurmada itki verən PKK/YPG terrorçuları geri çəkilməli olub.
Terrorçular sızmağa çalışdıqları bölgəyə də qurudan-quruya silahlarla hücum ediblər.
Hücumlara cavab olaraq SMO Qrad raketləri ilə terror təşkilatının mövqelərini hədəfə alıb.
Terror təşkilatı PKK/YPG 2016-cı ildən işğal altında saxladığı Tel-Rıfat və Mənbic rayonundan fasilələrlə SMO cəbhə xəttinə sızmağa cəhd edir.
