"Real Madrid"in hücumçusu Vinisius Junior ciddi zədələnib.
Fanat.Az xəbər verir ki, məlumatı Madrid klubunun rəsmi saytı yayıb.
Bildirilib ki, bu gün aparılan analizlərin nəticələrinə əsasən, braziliyalıya sol ayağının bud biseps əzələsinin zədələnməsi diaqnozu qoyulub.
"Real Madrid" futbolçunun nə vaxt sağalıb sıraya dönəcəyini dəqiqləşdirməyib. Bununla belə, "Marca" nəşri forvardın təxminən bir aya yaxın meydanda görünməyəcəyini iddia edib.
Xatırladaq ki, komandada Tibo Kurtua, David Alaba, Kepa Arissabalaqa, Dani Karvahal, Eder Militao, Lukas Vaskes, Rodriqo və Orelyen Tuçameni də zədədən əziyyət çəkir.
Mirağa
