Rusiya xarici işlər nazirinin müavini Sergey Ryabkov ABŞ raketlərinin Asiyada görünəcəyi təqdirdə, ölkəsinin orta və daha qısamənzilli raketləri həmin regionda yerləşdirə biləcəyini bildirib.
Maraqlıdır, Rusiyanın Ukrayna ilə müharibə fonunda ABŞ-la silahlanma yarışına qatılmaq potensialı varmı? Doğrudanmı Rusiya bir tərrəfdən qüvvətükədən müharibəni davam etdirib, digər tərəfdən ABŞ-ın hərbi addımlarına adekvat cavab verə bilər?
Moderator.az-a açıqlama verən politoloq İlqar Vəlizadə mövzu ilə bağlı maraqlı fikirlər səsləndirib:
“ABŞ-la Rusiya arasında silahlanma yarışı olsa, bu, assimetrik yarış olacaq. Ancaq şərt deyil ki, bir tərəf digər tərəfə qarşı eyni addımları atsın.
Rusiya bu cür açıqlamalarla ilk növbədə ABŞ-ın fəallığını azaltmağa çalışır. Rusiyanın malik olduğu hərbi potensial, xüsusilə də raket texnologiyası - uzaqmənzilli və yaxımənzilli raketlər imkan verir ki, Moskva ABŞ-a ciddi zərbə vursun. Nüvə başlıqlarının sayına görə Rusiya bu gün də ABŞ-dan öndədir.
Bu da bir reallqıdır ki, ABŞ öz təhlükəsizliyini Ukraynaya görə qurban verməyəcək”.
Seymur ƏLİYEV
