“Qulaq” informasiya agentliyinin verdiyi məlumata görə, Azərbaycan Dillər Universitetinin ezoterik rektoru Kamal Abdullayev ürək funksiyasını yerinə yetirən, hər cür pisliklər toxuyan cəhrəsini təmir etdirmək üçün azarxanada yatarkən onun kabinetində təmir işləri aparılırmış. Təmir zamanı birdən döşəmənin bir hissəsi çöküb. Təmir işi aparan fəhlələr həmin hissədə Böyük Rüşvət Yolu aşkar edib. Hadisə yerinə gəlmiş mütəxəssislər bu yola bütün kafedra və şöbələrdən cığırların uzanıb qoşulduğunu müəyyənləşdiriblər. Yolun kənarında kökü hər tərəfə şaxələnmiş iki kol – sarmaşıq və qanqal da aşkar edilib..." "DİA-AZ" bildirir ki, bu ironik yanaşmanın müəllifi xeyli müddətdir ki, Azərbaycan Dillər Universitetində müşahidə olunan qanunsuzluqlarla bağlı ilginc iddiaları səsləndirən professor Həbib Zərbəliyevdir.O daha sonra bunları əlavə edib: "Azərbaycanca vikpediyada verilmiş məlumatda göstərilir ki, sarmaşıq (lat. Convolvulus) sarmaşıqkimilər fəsiləsinə aid bitki cinsidir. Onun 250-dək növü məlumdur. Azərbaycanda 8 sarmaşıq növü müəyyən edilmişdir. Həmin növlərdən biri də çöl sarmaşığıdır (lat. (Convolvulus arvensis). Yaşıl yem kimi zəhərlidir. Dünyada sarmaşıq fəsiləsinin sarı sarmaşıq (Cuscuta campestris Cuncker) cinsi 128 növlə təmsil olunur, onlardan 10 növü kənd təsərrüfatı bitkilərinə ciddi ziyan vurur. Azərbaycanda onların bir neçə növü vardır.Sarmaşıq tipli insanların neçə növünün olduğunu və ətraflarına nə qədər ziyan vura bildiklərini isə demək çətindir. Sarmaşığın Cuscuta campestris Cuncker adlanan növlərindən biri də Azərbaycan Dillər Universitetində kök atıb (Foto 1). Onu buraya özü mürəkkəbçiçəklilər fəsiləsinin qanqal sinfinə aid olan adi qanqalın (lat. Cirsium vulgare) (Foto 2) təmsilçisi kimi fəaliyyət göstərən rektor Kamal Abdullayev gətirmişdir. Rektorun Maliyyə məsələləri üzrə müşaviri vəsifəsini tutan, lakin baş mühasibin də səlahiyyətlərini əlindən almış, bütün qaranlıq maliyyə işlərinin icracısı kimi tanınan və özünü şətslə Universitetin sahibi adlandıran Nüşabə Tanrıverdiyeva Universitetdə sarı sarmaşıq növünü təmsil edir. Çöküntü zamanı tapılmış qanqal və sarmaşıq bu rektor–müşavir cütlüyünün yeraltı təmsilçiləri imiş. “Qulaq” informasiya agentliyinin müxbiri rektorun sayı-hesabı bilinməyən yeraltı köklərinin araşdırılmasını hələ davam etdirir, lakin onun müşaviri N.Tanrıverdiyevanın köklərinin bir qismini artıq müəyyənləşdirib. Hələ tamamlanmamış siyahıya görə, həmin köklərin yayıldığı istiqamətlər bunlardır:1. Hüsniyyə Tanrıverdiyeva, müəllim (0,5 ştat) – Nüşabə Tanrıverdiyevanın qızı. O, boş qalmış kafedralardan birinin yeni müdiri olmaq üçün heç kim rüşvət vermək istəmədiyindən, necə deyərlər, malın batmaması üçün həmin kafedraya müdir kimi hazırlanır.2. Nigar Tanriverdili, Universitetin magistri, həm də laborantı – Nüşabə Tanrıverdiyevanın qardaşı qızı.3. Nüşabə Tanrıverdiyevanın qardaşı – Universitetin sürücüsü.4. Nüşabə Tanrıverdiyevanın baldızı – xadimələrin nəzarətçisi,5. Günel Şıxəliyeva – Rusiyaşünaslıq Elmi tədqiqat laboratoriyasının işə gəlməyən, lakin hər ay maaşını alan əməkdaşı, Nüşabə Tanrıverdiyevanın yaxın adamı.6. Münirə İbrahimova – İsrail mərkəzinin, Kamal Abdullayevin kadrı olsa da, bir köklə də Nüşabə Tanrıverdiyevaya bağlı olan, yəni onun himayəsinə sığınmış, işə gəlməsə də, maaşını almaqda davam edən əməkdaşı.Müxbirin məlumatına görə, araşdırmalar göstərir ki, rektor–müşavir cütlüyü çox geniş insan və rüşvət şəbəkəsinə malikdir. Məlumatda bu şəbəkənin zərərsizləşdirilməsi üçün Hollandiyadan məhvedici gücə malik yeni preparatların gətiriləcəyi də bildirilir.Gözləyək..."
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
