“Qarabağ”ın Avropa Liqasındakı rəqibi “Lion”un Bakı planına aydınlıq gəlib.
Sözügedən turnirin Liqa mərhələsinin V turu çərçivəsində təmsilçimizlə üz-üzə gələcək Fransa nəhəngi işini ehtiyatlı tutaraq paytaxtımıza oyundan iki gün əvvəl – noyabrın 26-sı təşrif buyuracaq.
“Qırmızı-göylər”i gətirəcək çarter reysli təyyarə Heydər Əliyev Beynəlxalq Aeroportuna 21:35-də eniş edəcək. Matçdan dərhal sonra Fransaya qayıdacaq.
“Lion”un qalacağı otelin adı də məlumdur. Qonaqlar məskunlaşmaq üçün şəhərimizin dəbdəbəli məkanlarından olan “Hilton”u seçib.
Noyabrın 28-də Tofiq Bəhramov adına Respublika stadionunda keçiriləcək qarşılaşma saat 21:45-də start götürəcək.
HƏBİB / SPORTİNFO.AZ
