“Napoli”nin baş məşqçisi Antonio Konte “eşşəkciklər”in İtaliya A Seriyasının 13-cü turunda “Roma” üzərində ev qələbəsini (1:0) şərh edib.
Arena.az “Football Italia” dərgisinə istiandən, italyan mütəxəssisin bu barədə fikrini təqdim edir:
“Oyundan əvvəl oğlanlara dedim ki, yarış cədvəlinə baxmasınlar, diqqətlərini özlərinə və üzərində işlədiyimizi təkmilləşdirməyə yönəltsinlər. Mən indi də bu fikri qoruyub-saxlayıram, çünki səviyyəmizi yüksəltmək üçün bir sıra addımlar atmalıyıq.
Mən oyunu 65 dəqiqəsi ərzində göstərdiyim səmərədən razı qaldım, amma fürsətlərimizdən daha səmərəli istifadə edə bilərdik. Əla futbolçuları olan güclü “Roma”ya qarşı oynadıq. Standart vəziyyətlərdə diqqətli olmalıyıq, çünki bu, onların qapı tirinə düşməsinə imkan verdi.
“Roma” da yeni baş məşqçinin (italyan mütəxəssis Klaudio Ranyeri – redaktorun qeydi) rəhbərliyi altında debüt edirdi. Buna görə də futbolçular özlərini sübut etmək istəyirdilər, amma biz hələ də son 15-20 dəqiqədə daha yaxşı oynamalıydıq, çünki çox dərinə oturub özümüz üçün işləri çətinləşdirirdik”, deyə Antonio Konte vurğulayıb.
Qələbə sayəsində “Napoli” İtaliya A Seriyanın zirvəsndə mövqeyini qoruya bilib. “Eşşəkciklər”in 13 turdan sonra 29 xalı var. “Roma” isə 13 xalla 13-cü pillədə qərarlaşıb.
