Rusiyalı tanınmış məşqçi Valeri Nepomnyaşiy həmyerlisi Vasili Berezutskinin "Sabah”a baş məşqçi təyin olunması haqqında danışıb.
QOL.az xəbər verir ki, o, championat.com-a açıqlamasında bildirib ki, Azərbaycan klubu Berezutski üçün yaxşı tramplin ola bilər:
“Tanrı nəsib etsin ki, Vasili Berezutski “Sabah”da uğur qazansın. Azərbaycanda da işləmək asan deyil. Ancaq orada rus dili üstünlük təşkil edir ki, bu da Berezutski üçün üstünlük olacaq. "Sabah" komandasının durumunu bilmirəm, amma yaxşı biliyi və təcrübəsi ona kömək edəcək. Berezutski çoxdan baş məşqçi kimi çalışmalı idi. Yəqin ki, “Sabah”dan sonra Rusiya Premyer Liqasının TOP klubunu çalışdıra biləcək”,
Xatırladaq ki, Vasili Beresutski ötən gün "Sabah"la 2.5 illik müqavilə imzalayıb. O, "Sabah"a qədər baş məşqçi kimi işləməyib.
