1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Hazırkı ABŞ Prezidenti Co Bayden yanvarda öz sələfi Donald Trampın andiçmə mərasimində iştirak edəcək.
Oxu.Az bildirir ki, bu barədə Ağ Evin Mətbuat Xidməti rəhbərinin müavini Endrü Beyts deyib.
Onun sözlərinə görə, Bayden ABŞ-də keçirilən seçkinin nəticələri açıqlanmazdan əvvəl andiçmə mərasimində iştirak edəcəyinə söz verib. O, mərasimə həyat yoldaşı Cill Baydenlə birlikdə qatılmağı planlaşdırır.
"O, bunu demokratik dəyərlərimizə və xalqın iradəsinə hörmətimizin vacib nümayişi hesab edir", - deyə Beyts əlavə edib.
Xatırladaq ki, seçkinin nəticələrinə görə, ABŞ-nin 47-ci prezidenti əvvəllər bu vəzifəni tutan respublikaçı Donald Tramp olub. Andiçmə mərasimi 20 yanvar 2025-ci ildə keçiriləcək.
