Önümüzdəki aylarda təqdim olunacaq “iPhone 17” və “17 Pro” modellərindən yeni detallar gəlməyə davam edir.
İndex.az xəbər verir ki, mövcud sızmalar modellərin əhəmiyyətli dizayn yenilikləri və qabaqcıl kamera sensorları təklif edəcəyini göstərir.
Ötən saatlarda “iPhone 17 Pro” və “Pro Max” dizaynını əks etdirən yeni render şəkilləri paylaşılıb. “iPhone 17 Plus”ı əvəz edəcəyi deyilən “iPhone 17 Air” modelinin “iPhone” tarixinin ən nazik “iPhone” olacağı gözlənilir.
Yeni məlumata görə, “Apple” “iPhone 15 Pro” modellərində təqdim edilən titan materialından imtina edərək, bütün “iPhone 17” seriyasında alüminium çərçivədən istifadə etməyi planlaşdırır.
Ən diqqət çəkən yeniliklərdən biri “iPhone 17 Pro” və “Pro Max” modellərinin arxa səthində istifadə edilən ikili material dizaynıdır. Alüminium üst hissədə daha böyük və daha nəzərə çarpan kamera çıxıntısı olsa da, aşağı hissə şüşədən ibarət olacaq və simsiz şarj dəstəyini təmin edəcək. Bu hibrid dizayn Pro modellərindəki adi 3D şüşə dizaynından fərqli bir görünüşə işarə edir. Üstəlik, üfüqi bir müstəvidə üç sensorun istifadə edildiyini görürük.
Üstəlik, “Apple”in bu yeni dizayn dili yalnız Pro modelləri ilə məhdudlaşmayacaq. Standart modellər də seriya boyunca dizayn bütövlüyünü təmin edən alüminium çərçivə ilə yenilənəcəkdir. Bununla belə, alüminium və şüşə arasındakı nisbət və ya cihazların ümumi qalınlığı kimi detallar hələ aydın deyil.
