"Real Madrid"in ulduz futbolçusu Cud Bellinqem İspaniya La Liqasında 2023-2024 mövsümünün ən yaxşı oyunçusu mükafatını alıb.
Missiya.Az xəbər verir ki, ingilis futbolçu bu mükafata İspaniya Futbolçular Assosiasiyası tərəfindən layiq görülüb.
Bildirilir ki, Bellinqem ötən mövsüm kral klubunun UEFA Çempionlar Liqasında, İspaniya La Liqasında və İspaniya Superkubokunda qalib gəlməsində böyük rol oynayıb.
Qeyd edək ki, ötən mövsum bütün turnirlərdə 42 matçda forma geyinən ulduz futbolçu 23 qola imza atıb, 13 məhsuldar ötürmə edib.
Daşqın HəsənovMissiya.Az
