Füzuli rayonu ərazisində yol-nəqliyyat hadisəsi baş verib.
Avtosfer.az-ın məlumatına görə, qəza noyabrın 26-da səhər saatlarında Şükürbəyli kəndində qeydə alınıb. Belə ki, hərəkətdə olan 19-BL-106 dövlət nömrə nişanlı “VAZ-2106” markalı maşın yoldan çıxaraq dərəyə düşüb. Qəzaya səbəb yüksək sürət həddi olub. Nəticədə maşın tamamilə yararsız vəziyyətə düşüb. Xoşbəxtlikdən qəza zamanı xəsarət alan olmayıb.
Qeyd edək ki, hadisə yerinə evakuator cəlb olunub və qəzalı maşın ərazidən kənarlaşdırılıb.
Faktla bağlı araşdırma aparılır.
Nərmin
