Gürcüstan parlamentinin üzvləri dekabrın 14-nü respublika prezidenti seçkilərinin keçirilməsi tarixi kimi təsdiqləyiblər.
“Mən prezident seçkilərinin vaxtı ilə bağlı təklif vermişəm. Parlamentin plenar iclası çərçivəsində biz onun 2024-cü il dekabrın 14-də baş tutmasını təsdiq etdik”, - Şalva Papuaşvili bu barədə qeyd edib.
Qeyd olunur ki, seçkilər yeni sistemlə keçiriləcək. Ölkə liderini 300 nəfərdən ibarət seçici kollegiyası seçəcək: 150 parlament üzvü və eyni sayda regional nümayəndə.
