Bir çox britaniyalı hərbçi NATO-nun Finlandiya Laplandiyasında -15 dərəcə şaxtada keçirdiyi təlimin şərtlərindən şoka düşüb.
Bu barədə kral artilleriyasının 19-cu alayının komandir müavini, mayor Devid Mortimer məlumat verib.
"Bir çox işçilərimiz üçün burada belə sınaq şəraitində olmaq əsl mədəniyyət şoku idi",- deyə Devid Mortimer qeyd edib.
Mortimer belə şərtləri "həddindən artıq arktik" adlandırıb. Bildirilib ki, onlar həm də soyuq havalarda operator kursları və buz və qar şəraitində sürücülük təlimləri də daxil olmaqla ciddi təlim keçiblər.
