Rusiya Federal Təhlükəsizlik Xidməti (FSB) İngiltərənin Moskvadakı səfirliyindəki diplomatın "kəşfiyyat fəaliyyəti ilə məşğul olduğu" səbəbi ilə deportasiya edilməsinə qərar verildiyini açıqlayıb.
FSB-dən verilən açıqlamada Böyük Britaniyanın Moskvadakı səfirliyinin Siyasi şöbəsinin ikinci katibi Uilks Edvard Pryorun Böyük Britaniya Xarici İşlər Nazirliyinin Şərqi Avropa və Mərkəzi Asiya İdarəsi vasitəsilə Moskvaya göndərildiyi bildirilib.
Açıqlamada sözügedən diplomatın avqust ayında Rusiyadan deportasiya edilən 6 Britaniya kəşfiyyatçısından birini əvəzlədiyi və yalan məlumatla ölkəyə daxil olduğu və bu şəxsin həm də ölkəni təhdid edən dağıdıcı kəşfiyyat işi apardığına dair işarələrin olduğu bildirilib.
“Bu əsasda Rusiya Xarici İşlər Nazirliyi müvafiq idarələrlə əməkdaşlıq edərək, Uilks Edvard Prayorun akkreditasiyasını ləğv etmək qərarına gəlib və ona iki həftə ərzində Rusiyanı tərk etməsi barədə göstəriş verib”, - məlumatda deyilir.
Bundan əlavə, Rusiya Xarici İşlər Nazirliyinin sözçüsü Mariya Zaxarova Böyük Britaniyanın Moskvadakı səfiri Naycel Keysinin nazirliyə çağırıldığını bildirib.
