Masallılı MMA döyüşçüsünün növbəti qələbəsi
Azərbaycanlı qaydasız döyüşçü Yaponiyada keçirilən “Rizin Landmark 10" döyüşlərində uğurlu nəticə göstərib. Naqoya şəhərində təşkil olunan MMA üzrə beynəlxalq turnirdə 27 yaşlı idmançımız Məhərrəm Həsənzadə (61 kq) yerli Ri Kuto Şiravaka ilə keçirdiyi 3 raundun hər birində inamla mübarizə apararaq qarşılaşmadan qalib ayrılıb.
Məlumat üçün bildirək ki, Məhərrəm Hikmət oğlu Həsənzadə Masallı rayonunun Mololon kəndində anadan olub. Doqquz yaşından sərbəst güləş idman növü ilə (məşqçi Baba Rzayev) məşğul olmağa başlayıb. Hərbi xidməti başa vurduqdan sonra əvvəlcə Rusiyada, sonra isə Azərbaycanda qaydasız döyüş idman növləri üzrə məşqlərə qatılıb.
M.Həsənzadə hazırda məşqçi Ruslan Əfəndiyevin rəhbərliyilə növbəti yarışlara əzmlə hazırlaşır. O, peşəkar rinqdə 12 döyüş keçirib ki, bunların 11-də qələbə qazanıb.
Akif AĞAYEV,
Azərbaycan İdman Jurnalistləri Assosiasiyasının üzvü.
