İsrail Hərbi Hava Qüvvələrinə məxsus pilotsuz uçuş aparatları Livan paytaxtının mərkəzi hissəsində “Hizbullah” təşkilatının şübhəli hədəflərinə silsilə zərbələr endirib.
Yeniavaz.com xəbər verir ki, Livan Səhiyyə Nazirliyinin məlumatına görə, Barbur məhəlləsində baş verən hücum nəticəsində bir sakin həlak olub, daha 6 nəfər yaralanıb.
Bir Abed, Mazraa, Talaat en Nuveyri, Hamra məhəllələrində, eləcə də şəhərin cənubundakı “Centro Mall” Lebanon ticarət mərkəzinin ərazisində raketlərin atıldığı binalarda partlayışlar qeydə alınıb. Hələlik oradan təfərrüatlar alınmayıb.
