ABŞ Konqresinin Nümayəndələr Palatasının üzvləri Honq-Konqu maliyyə cinayətlərinin mərkəzinə çevrilməkdə ittiham ediblər. Bu, Honq-Konq və Vaşinqton arasındakı münasibətlərin daha da pisləşməsi ilə nəticələnə bilər. Nümayəndələr Palatasının “Çin Komitəsi”nin üzvləri, maliyyə naziri Janet Yellenə ünvanladıqları məktubda Honq-Konqun Çin tərəfindən tətbiq olunan milli təhlükəsizlik qanunundan sonra müxtəlif ölkələrlə, o cümlədən Rusiya, İran və Şimali Koreya ilə maliyyə əlaqələri qurduğunu bildiriblər.
Fins.az xəbər verir ki, məktubda Honq-Konqun qadağan olunmuş texnologiyalar, İran nefti və Rusiyadan qızıl ticarəti kimi maliyyə qanunsuzluqlarına yol verdiyi vurğulanıb. Həmçinin, Honq-Konqdakı gəmilərin Şimali Koreya ilə qeyri-qanuni ticarətdə iştirak etdiyi qeyd olunub. ABŞ Konqresi sentyabr ayında Honq-Konqun ABŞ-dakı iqtisadi və ticarət ofislərini bağlaya biləcək qanun layihəsini qəbul edib. Honq-Konq rəsmiləri bu qanun layihəsini sərt şəkildə pisləsələr də, bunun Amerikanın bizneslərinə zərər verə biləcəyini bildiriblər.
Zemfira Ms
Fins.az
