İsrailin iki gün əvvəl Birləşmiş Ərəb Əmirliklərində öldürüldüyünü elan etdiyi İsrail-Moldova vətəndaşı Ravvin Tzvi Koqanın qatilləri Türkiyədə Milli Kəşfiyyat Təşkilatı və Polisin təşkil etdiyi gizli əməliyyatla yaxalanıb.
Ucnoqta.az xəbər verir ki, Təhlükəsizlik mənbələrindən alınan məlumata görə, Koganini öldürən 3 Özbəkistan vətəndaşının qaçdığı müəyyən edildikdən sonra BƏƏ hökuməti Türkiyədən kömək istəyib.
Tələb olunan köməyə müdaxilə edən MİT, ravvini öldürən cinayətkarların tutulması üçün işə başlayıb. Onların hansı təyyarədə olduqları müəyyən edilərək başladılan əməliyyat hər hansı bir şübhə doğurmamaq üçün çox gizli şəkildə həyata keçirilib.
Şəxslər İstanbula enəndə polis qüvvələri də içəri daxil olub. Hər hansı bir xaos yaşanmaması üçün hava limanını tərk etmələri gözlənilən qatillərin mindikləri taksi MİT və Polis tərəfindən addım-addım izlənilib.
Onların getdikləri taksi yol hərəkətinə nəzarət məqsədi ilə saxlanılıb və polis tərəfindən aparılan şəxsiyyət yoxlaması nəticəsində BƏƏ tərəfindən axtarış qeydi olan 3 nəfər tutulub.
Ravvini öldürən 28 yaşlı Alimbay Tahiroviç, 28 yaşlı Mahmudcan Abdurrahim və 33 yaşlı Azizbek Kamiloviç cinayəti törətdikləri ölkə olan BƏƏ-yə ekstradisiya edilib.
