“Tesla” və “SpaceX”in qurucusu İlon Mask, insan tərəfindən idarə olunan aviasiyanın gələcək müharibələrdə məğlubiyyətlə üzləşəcəyi ilə bağlı fikirlərini bildirib...
Poliqon xəbər verir ki, milyarder bu barədə X sosial şəbəkə səhifəsində yazıb. Biznesmen hesab edir ki, gələcəkdə bəşəriyyət əsasən hipersəs raketləri və dronlardan istifadə edəcək.
“İnsanların idarə etdiyi qırıcılar çox tez məhv ediləcək”, deyə Mask vurğulayıb.
Qeyd edək ki, daha əvvəl İlon Mask dünya güclərinin iştirak etdiyi müharibələrdə pilotsuz uçuş aparatlarından istifadə ölümlərin sayının nəzərəçarpacaq dərəcədə azalmasına səbəb olacağını yazmışdı. Biznesmen əlavə edib ki, gələcək münaqişələr yalnız hücum dronlarını əhatə etməlidir və qaliblər ən yaxşı İHA yaradan ölkələr olacaq.
Mask həmçinin, “təxəyyülü sarsıdacaq dron dəstələri” ilə gözlənilən döyüşləri istisna etməyib.
Poliqon.info
