Türkiyə, Ukraynanın Alyansa rəsmi dəvət alacağı halda, onun NATO-ya daxil olması prosesini ciddi şəkildə dəstəkləyəcək. Çünki onun özü də güclü blokda maraqlıdır.
Bu barədə Ukrayna-NATO İctimai Liqasının rəhbəri Sergey Yerj RBC-Ukrayna YouTube kanalına verdiyi şərhdə danışıb. Onun sözlərinə görə, Türkiyə başa düşür ki, Ukrayna qonşu ölkədir və onunla münasibətlərin olması çox vacibdir.
O, həmçinin xatırladıb ki, 2022-ci ildə Finlandiya və İsveç məsələsində müəyyən problemlər olub, lakin buna Türkiyə tərəfinin bəzi məsələləri həll etnık istəyi səbəb olub.
“Aydındır ki, Ukraynanın NATO- ya üzv olması məsələsində hər şey razılaşma ilə yekunlaşacaq. Ukraynanın NATO-ya üzv olması hər iki tərəfin güclənməsi deməkdir”, - deyə Jerge əlavə edib.
Rəsmi olaraq Türkiyə Ukraynanın NATO-ya üzvlüyünə qarşı deyil. Bu günlərdə prezident Rəcəb Tayyib Ərdoğan ölkəsinin məsələyə tələsmədən baxmaq niyyətində olduğunu bildirib. Eyni zamanda o, ABŞ və Alyansın bəzi digər üzvlərinin Ukraynanın qoşulmasını istəmədiyini vurğulayıb.
Qeyd edək ki, digər məsələlərlə yanaşı, Ərdoğan Rusiya-Ukrayna müharibəsi məsələsində özünü potensial sülhməramlı kimi göstərir. Əvvəllər onun hətta müharibəni dondurmaq planını təqdim etmək istədiyi də bildirilirdi.
Əziz Mustafa
