Rusiya pilotsuz təyyarələrinin Kiyevə gecə hücumu nəticəsində azı 3 nəfər yaralanıb.
Kiyev Vilayət Hərbi Administrasiyasının məlumatına görə, vurulan pilotsuz təyyarələrin qalıqları paytaxtın Dnepr rayonuna düşüb, nəticədə qeyri-yaşayış infrastrukturuna ziyan dəyib. Ümumilikdə, administrasiyanın məlumatına görə, üç nəfər xəsarət alıb.
Bir gün əvvəl Rusiya hərbçiləri Ukrayna ərazisinə rekord sayda pilotsuz təyyarə ilə zərbələr endirib. Ukrayna Hərbi Hava Qüvvələrinin məlumatına görə, Rusiya 188 “Şahed” tipli pilotsuz təyyarə ilə Ukraynaya hücum edib. Qeyd olunur ki, bu, müharibə başlayandan bəri bir gecədə ən yüksək rəqəmdir. Pilotsuz təyyarələrin bəziləri vurulub. Ancaq onlardan bir neçəsi infrastruktura zərbə vurub.
“AzPolitika.info”
