İspaniyanın “Barselona” klubunın hücumçusu Robert Levandovski Çempionlar Liqasında 100 qol həddinə (101 qol) çatıb.
Yeniavaz.com xəbər verir ki, bu barədə İspaniyanın “Marca” nəşri məlumat yayıb.
Məlumata görə, o buna Çempionlar Liqasının ümumi mərhələsinin 5-ci turunun “Brest”lə oyununda (3:0) dubla imza ataraq nail olub.
Bununla da o, əsas Avropa turnirində 100 qol həddinə çatan 3-cü futbolçu olub.
Xatırladaq ki, əvvəllər yalnız Kriştianu Ronaldo (140) və Lionel Messi (129) belə nailiyyət əldə etmişdilər.
36 yaşlı futbolçu 100 qolu 125 matçda vurub.
