Olaylar.az xəbər verir ki, bu barədə The Guardian məlumat yayıb.
2023-cü ilin fevralında qız uşağını ananın birlikdə yaşadığı kişi aşkar edib. O, uşaq səsinə bənzər bir səs eşidərək araşdırma aparıb və güclü şəkildə zəifləmiş, yarıq damaqdan əziyyət çəkən körpəni tapıb. O, dərhal polisə müraciət edib.
Məhkəmədə ifadə verən sosial işçi həmin hadisəni belə xatırlayıb: "Gördüklərim məni dəhşətə gətirdi... Körpə mənə baxır və irəli-geri yellənirdi." Ana isə qızı qutuda saxladığını təsdiqləyərək deyib: "Bəli, qutuda."
Məhkəmə prosesi zamanı hakim Stiven Everett ananın hərəkətlərinin uşağa ciddi fəsadlar verdiyini bildirib: "Siz bu kiçik qızı hər cür sevgidən və tibbi yardımdan məhrum etdiniz."
Məlum olub ki, uşaq 2020-ci ilin mart ayında hamamda dünyaya gəlib, lakin doğumu heç vaxt qeydə alınmayıb. Ana, hamiləlik haqqında uşağın atasına məlumat vermək istəməyərək körpəni gizlədib. O, körpəni şprislə yedizdirib və uzun müddət təkbaşına buraxıb.
Həkim müayinəsindən sonra müəyyən edilib ki, uşaq nə yeriyə, nə danışa, nə də səslər çıxara bilir. Onun inkişaf geriliyi var və fiziki göstəriciləri 10 aylıq körpəyə bərabərdir.
