"Qarabağ"ın futbolçusu Yassin Benzia Avropa Liqasının Liqa mərhələsinin 5-ci turunda sabah "Lion"la keçirəcəkləri matç haqqında fikirlərini bölüşüb.
QOL.az xəbər verir ki, 30 yaşlı yarımmüdafiəçi görüşdən əvvəl təşkil olunan mətbuat konfransında bu barədə danışıb.
O, sabiq klubuna qarşı oyunu maraqla gözlədiyini söyləyib:
"Mənim üçün əvvəllər oynadığım "Lion"la görüş çox maraqlı olacaq. İndi isə "Qarabağ"da çıxış edirəm.
Əlbəttə ki, əvvəlki "Lion"la hazırkı komanda arasında çox böyük fərq var. O vaxt komanda yüksək performans göstərirdi. "Lion" indi də yüksək səviyəli komandadır. Bu, mənim üçün çox vacib oyundur".
Qeyd edək ki, noyabrın 28-də, Tofiq Bəhramov adına Respublika stadionunda keçiriləcək oyun saat 21:45-də başlayacaq.
