ABŞ-ın yeni seçilmiş prezidenti Donald Trampı və ailəsini öldürməklə hədələyən Arizona ştatından olan şəxs həbs edilib. AFN.az xəbər verir ki, bu barədə ittiham sənədlərinə və mənbələrə istinadən "ABC News" məlumat yayıb.Telekanalın əldə etdiyi araşdırma materiallarına görə, Manuel Tamayo-Torres Trampa qarşı “qeyri-spesifik, lakin birbaşa” təhdidlər edib və istintaqla tanış olan mənbələr onun açıqlamalarının konkret olaraq Trampa aid olduğunu təsdiqləyiblər. Telekanalın məlumatına görə, hücumçu daha əvvəl sosial şəbəkələrdə siyasətçiyə müraciət edərək “Sən öləcəksən, oğlun öləcək, bütün ailən öləcək” deyərək video yayımlayıb. Bundan əlavə, videoda Tamayo-Torres AR-15 tüfəngini yelləyərək Tramp haqqında müxtəlif qəribə ifadələr səsləndirib. Avqust ayında Tamayo-Torres Arizonada Respublikaçıların təşviqat mitinqində iştirak edib.Donald Tramp son bir ildə iki sui-qəsd cəhdindən sağ çıxıb. Birinci halda iyul ayında Pensilvaniya ştatında keçirilən seçki kampaniyasında snayperin açdığı güllə siyasətçinin qulağına dəyib. İkinci dəfə radikal və Ukraynaya yardım tərəfdarı Trampın Floridadakı iqamətgahı Mar-a-Laqo yaxınlığında atəş açıb.
