"Atalanta"nın hücumçusu Çarlz De Ketelare Çempionlar Liqasında unikal göstəriciyə imza atıb.
Fanat.Az xəbər verir ki, 23 yaşlı belçikalı bunu İsveçrə klubu “Yanq Boyz”u 6:1 hesabı ilə məğlub etdikləri görüşdə reallaşdırıb.
O, darmadağında iki qol və üç məhsuldar ötürmə ilə əsas pay sahibi olub. "Opta"-nın məlumatına görə, Ketelereyə qədər İtaliya komandalarından heç birinin oyunçusu bir ÇL matçında 5 qolun iştirakçısı olmayıb.
Qeyd edək ki, Çarlz De Ketelare bu mövsüm "Atalanta"nın heyətində bütün turnirlərdə 18 oyun keçirib, 4 qol vurub, 9 məhsuldar ötürmə edib.
Mirağa
