İngiltərə polisi terror təşkilatı PKK-ya qarşı apardığı istintaq çərçivəsində 2-si qadın olmaqla 6 nəfəri həbs edib.
Bakıvaxtı.az xarici mediaya istinadla xəbər verir ki, Terror təşkilatı PKK ilə əlaqəsi olduğu ehtimal edilən fəaliyyətlərlə bağlı aparılan istintaqda 23, 27, 31, 56, 59 və 61 yaşlarında 2-si qadın olmaqla 6 nəfər saxlanılıb.
İstintaq çərçivəsində Londonda 8 ünvanda axtarışa başlanılıb. Axtarış aparılan ünvanlar arasında Londonun şimalındakı Haringey bölgəsindəki Kürd İcma Mərkəzi də var.
Polisdən bildirilib ki, axtarışla 2 həftə ərzində davam edəcək.
Əli Hüseynov
