Dünyanın ən varlı adamının anası Mey Mask, oğlu İlon Maskın milyarder adlandırılmasından xoşu gəlmir. O, bunu “alçaldıcı” hesab edir.
Azpost.info bildirir ki, Mey Mask bu barədə Fox Business-ə müsahibəsində deyib. “Mən “zəngin” və ya “milyarder” və ya buna bənzər sözləri bəyənmirəm, çünki bunu alçaldıcı hesab edirəm. Düşünürəm ki, oğlum bu dünyanın dahi adamıdır, insanlar onu buna görə sevirlər”, – deyə Mey bildirib.
Qeyd edək ki, İlon Maskın sərvəti təqribən 328 milyard dollardır. Bu da Yunanıstan da daxil olmaqla dünyanın bir sıra ölkələrinin ümumi daxili məhsulundan (252 milyard dollar) çoxdur.
